geo eng

0341 25 10 48; 0322 14 24 14

info@familydoctor.ge

ჩვენს შესახებ

კლინიკა "ოჯახის ექიმი" შეიქმნა რუსთავის ექიმთა ასოციაციის ბაზაზე 1989 წელს. იმჟამად, სამინისტრო კერძო სტრუქტურის შექმნის უფლებას არ იძლეოდა, ამდენად იგი გახდა პირველი კერძო სტრუქტურა ჯანმრთელობის სფეროში.

იმთავითვე კლინიკა ორიენტირებული იყო მაღალ ტექნოლოგიებსა და თანამედროვე მიღწევებზე. ასე მაგალითად, ქალაქში პირველად ამუშავდა ექოსკოპიის აპარატი. დიდ აბორტებს, რომლებიც დედის სიკვდილს იწვევდა დაუპირისპირდა ე.წ. მინი აბორტი.

დაინერგა კრიოდესტრუქციული მკურნალობის მეთოდი. დაიწყო უშვილობის მკურნალობა მამაკაცებში და საშვილოსნოს მილების გამავლობის მკურნალობის ახალი მეთოდების დანერგვა და სხვა. კლინიკაში მომუშავე აქტიურმა ექიმებმა დღეს უკვე თავიანთი კლინიკები გახსნეს, რაც მრავლად შეინიშნება ქალაქში. კლინიკა "ოჯახის ექიმი" ორიენტირებულია ქალთა ჯანმრთელობაზე და იგი კვლავ ფლაგმანად რჩება ამ სფეროში და არა მარტო რუსთავის მასშტაბით.

პარალელურ რეჟიმში, მას სხვადასხვა ქვეყნებიდან შემოაქვს წამყვანი სამედიცინო ტექნოლოგიები და ნერგავს საქართველოს მასშტაბით (იხილეთ ვებინარები). კლინიკის დახმარებით, რუსთავის ექიმები იგზავნებიან მსოფლიოს სხვადასხვა ქვეყნებში კვალიფიკაციის ასამაღლებლად. ამჟამად კლინიკაში მუშაობს ორ ათეულზე მეტი მედ პერსონალი.